کوئٹہ۔ 28 اپریل (اے پی پی) پاکستان ریلوائی چنکا عئید انا وخت آ کوئٹہ غان اسپیشل عئید ریل اس چلیفنگ نا فیصلہ کرینے۔ کوئٹہ ریلوائی کمامدارآتا رداٹ عئید اسپیشل ٹرین 29 اپریل جمعہ نادے آ کوئٹہ غان روانہ مریک عئید اسپیشل ریل دہ بوگی تیاتالان مریک ہرا مقررہ دے آ سہب انا 10 بجہ غا کوئٹہ غان روانہ مریک ۔ دا عئید اسپیشل ریل کوئٹہ غان راولپنڈی اسکان کاہک، ریلوائی کمامدارآک پارینو کہ عئید اسپیشل ریل اٹ شش ءُ نیم سد مسافر آتا گنجائشت مریک۔ دا گام ءِ عئید انا موقع غا کوئٹہ غان ایلو شارتیکن سفر کروک آ بندغ آتا آسراتی کن ہرفنگانے۔
