اسلام آباد۔ 28 اپریل (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم محمد شہباز شریف نا دورہ سعودی عرب بے مٹ سنگتی نا اسہ پوسکن ءُ بشخ اس ملک، چار سال انا دور خلیس آن پد پاکستان نا سنگت آتا محفل ولدا آن آباد مننگ والا ءِ۔ پنچ شنبے نادے آ تینا اسہ ٹویٹ اسے ٹی اوپارے کہ پاکستان نا محسن و سعودی عرب نا ولی عہد عزت مآب شہزادہ محمد بن سلمان نا خصوصی سلہ غا وزیراعظم شہباز شریف اینو پنچ شنبے نادے آ حج مقدس آ روانہ مننگ ءِ و مدینہ منورہ غاسرمریک۔ اوپارے کہ 28 آن 30 اپریل نا دا دورہ وزارت عظمیٰ نا منصب ءِ سنبھالنگ آن پد محمد شہباز شریف نا اولیکو درملکی دورہ ءِ ہرا ہڑتوم آ ملک آتا نیام اٹ برادرانہ ، پرچوش و تین پہ تینی پت آ مبنی تاریخی تعلقداری تا پوسکنی نا درشانی ءِ و بے مٹ سنگتی نا اسہ پوسکن ءُ بشخ اس ملک۔ اوپارے کہ چارسال نا خلیس نا دور آن پد پاکستان نا سگت آتا محفل ولدا آن آباد مننگ والا ءِ۔ سوگوی، شونداری و شونہالی نا مزل دُوار ہ بناکننگ مبارک مرے۔ عمرہ نا سعادت و روضہ رسول پاک صلی اللہ علیہ و آلہ وسلم آ درود خواننگ نا برکت آک ننتون مریرہ۔ سعودی عرب پاکستان سنگتی مدام زندہ باد۔
