اسلام آباد۔ 27 اپریل (اے پی پی) وزیراعظم محمد شہباز شریف تون مسکوہی صدر مملکت و قومی اسمبلی نا باسک آصف علی زرداری چار شنبے نادے آ اسلام آباد اٹی اوڑدہی کرے۔ وزیراعظم آفس میڈیا ونگ آن جاری بیان نا رداٹ اوڑدہی ٹی بنجائی وزیر بلال بھٹو زرداری ، بنجائی وزیر دفاع خواجہ آصف و بنجائی وزیر ریلوائی خواجہ سعد رفیق ئسک ہم ساڑی ئسر۔ اوڑدہی ٹی ملک انا ساڑی سیاسی حالیت آتیا گپ وتران کننگا۔ وزیراعظم پارے کہ آئین نا بالادستی و جمہوری عمل نا چرجوئی ہی ملکی شونداری نا راز ءِ۔ اوڑدہی ٹی ملک اٹی جمہوریت نا سوگوی و راجی آسودہی ءِ پک کننگ کن غٹ سیاسی جماعت آتون اواری اٹ کاریم کننگ آ ہم امنا کننگا۔ وزیراعظم بلاول بھٹو زرداری ءِ بنجائی وزیر نا وڑاٹ سوغند ہلنگ آ مبارکبادی تس و داعزم انا درشانی ءِ کرے کہ تین پہ تینی کمکاری آن زوت ملک ءِ مون تروک چیلنج آتا مون ءِ توننگک۔
