اسلام آباد۔ 27 اپریل (اے پی پی) ڈپٹی اسپیکر قومی اسمبلی زاہد اکرم خان درانی پارینے کہ السی ویل آتا ایسر و لس بندغ نا زند انا آب ءِ بڑز کننگ ساڑی حکومت نا اولیت ءِ و دامسخت نا دوئی کننگ کن غٹ دوئی وسیلہ غاتے کاریم اٹ اتنگک۔ اوداخیال آتا درشانی ءِ منیجنگ ڈائریکٹر سوئی سدرن گیس پائپ لائن لمیٹڈ (ایس این جی پی ایل) تون گپ وتران کرسا کرے ہرا چارشنبے نادے آ پارلیمنٹ ہاؤس اٹی اوڑتون اوڑدہی کرے۔ اوڑدہی ٹی جنرل منیجر ایس این جی پی ایل خیبرپختونخواہ ہم ساڑی ئسک۔ اوڑدہی ٹی سویلی ضلع خاص وڑاٹ این اے 35 بنوں ٹی سوئی گیس تون تعلقدار ویل آتیا گپ وتران کننگا۔ ڈپٹی اسپیکر ایم ڈی ایس این جی پی ایل تون گپ وتران کرسا پارے کہ خیبرپختونخوا نا سویلی ضلع غاتیٹی قدرتی گیس انا بھلو کوڑی اس ساڑی ءِ ہرافتیان نئے بیرہ خیبرپختونخوا بلکن ملک انا ایلو بشخ آتے ہم گیس فراوان کننگک ولے دا ضلع غاتا رہینگوک آتے گیس انا سپلائی ، لوڈ شیڈنگ، کم پریشر کون آ ویل مون تروک ءِ۔ ڈپٹی اسپیکر قومی اسمبلی نا حلقہ این اے 35 بنوں نا چندی یونین کونسل و علاقہ غاتیٹی سوئی گیس نا لوڈشیڈنگ ، کم پریشر و سپلائی نا بابت ویل آتے دمدستی وڑ اٹ ایسر کننگ نا پارت کرے۔ منیجنگ ڈائریکٹر ایس این جی پی ایل علی جاوید حمدانی ڈپٹی اسپیکر ءِ قومی اسمبلی ءِ سویلی ضلع خاص وڑاٹ قومی اسمبلی حلقہ این اے 35 نا گیس اتون تعلقدار ویل آتے اولیتی بنداو تیا ایسر کننگ نا باور ی کرفے۔
