کوئٹہ۔ 27 اپریل (اے پی پی) بلوچستان نا بلدیاتی گچین کاری تیٹی ریٹرننگ آفیسر آتا فیصلہ غاتا برخلاف اعتراض دائر کننگ نا چرجوئی برجاءِ ۔ سرجم حوال آتا رداٹ ریٹرننگ آفیسر آتا فیصلہ غاتا برخلاف اعتراض دائر کننگ نا اینو ارٹ میکو دے ءِ، اعتراض دائر کننگ نا چرجوئی 28 اپریل اسکان برجاسلک۔ 29 اپریل آن 6 مئی اسکان ریٹرننگ آفیسر آک اپیل آتیا فیصلہ کیرہ۔ 7 مئی آ اومیتدار آتا نظرثانی مروک لسٹ آتے خلنگک، 9 مئی اسکان اومیتدار آک دزکش مننگ کیرہ۔ 10 مئی آ اومیتدار آتے گچین کاری نشان تننگک، 29 مئی آ بلوچستان نا کوئٹہ و لسبیلہ غان بیدس مچ آ بلوچستان نا غٹ ضلع غاتیٹی پولنگ مریک۔
