بیجنگ۔ 27 اپریل (اے پی پی) چین اٹی پاکستان نا سفیر معین الحق کراچی ٹی دہشت گرد جلہو نا مذمت ءِ کرسا چینی شاری تتون اوار نہادی جان تا زیان آ است ہسونی نا درشانی ءِ کرینے۔ اوتینا کلہو اٹی پارے کہ کراچی جامعہ ٹی کنفیوشس انسٹی ٹیوٹ نا پیشن خودکش جلہو اٹی ننا چینی سنگت آتون اوار نہادی جان تا زیان آ مچ آ قوم صدمہ ٹی ءِ۔ اوپارے کہ دا لغوری ناگام پاک چین سنگتی و ہڑتوم آ ملک آتا نیام ٹ برجا کمکاری آ براہ راست جلہو اسے۔
