کوئٹہ۔ 27 اپریل (اے پی پی) پاکستان پیپلزپارٹی نا سینئر راہشون کرن بلوچ پارینے کہ پیپلزپارٹی مچ آ بلوچستان اٹی بلدیاتی گچین کاری تیٹی پبی بشخ ہلیک، کارندہ غاک بلدیاتی گچین کاری تیکن اُرا اُرا رابطہ مہم ءِ ترند کیر، اسہ بیان اسے ٹی اوپارے کہ الس نا پیپلزپارٹی آ پت ءِ، بلدیاتی گچین کاری تیٹی پارٹی پبی سرسہبی دوئی کیک۔ اوپارے کہ پارٹی پبی تیاری اتون میدان اٹ دڑنگ انگ ءِ، عمران خان نا سلیکٹڈ و نابود حکومت نا چٹنگ آن پد الس اٹ اومیت نا اسہ روشنائی اس تالان مسنے و اوفتا خنک داسہ پیپلزپارٹی آ ہُننگ ءُ، اوپارے کہ بلدیاتی ادارہ غاک جمہوریت نا بنداو ءُ، ہراٹی واکداری براہ راست الس ءِ منتقل مریک ، بلوچستان اٹی بلدیاتی گچین کاری تیکن کارندہ غاک پرجوش ءُ، اوپارے کہ بلاول بھٹو زرداری ملک انا پنی آ لیڈر نا وڑاٹ مون آ بسنے و ہمودے مر اف ہراتم او وزیراعظم نا عہدہ غا فائز مرسا ملک ءِ شونداری و شونہالی نا کنڈآ دیک۔ اوپارے کہ عمران خان ءِ امریکہ آخا بلاول ہاؤس اقتدار آن کشانے ، پیپلزپارٹی نا سرکڑدہ وکارندہ غاک آمر آتے شکست تسوسر داتو دُتک اس ئسک۔
