کوئٹہ۔ 27 اپریل (اے پی پی)پاکستان تحریک انصاف ضلع کوئٹہ نا ڈپٹی جنرل سیکرٹری حمزہ خان ناصر کراچی ٹی چینی تے دروک آ وین آ دہشت گرد آتا جلہو نا مذمت ءِ کرسا پارینے کہ ملک دشمن زموارآک تینا درملکی آقا تے خوش کننگ کن درملکی تے شست کرسا پاکستان ءِ نزوری نا شست کننگ خوارہ ملک دشمن آتون سختی اٹ مون تننگے، پاکستان اٹ امن کن پاک فوج و ایلو سیکورٹی فورس آتا ادارہ غاک تینا جان تے ندر کرینو داسہ کس اسے حالیت آتے خراب کننگ نا موکل تفنہ۔ داڑے جاری اسہ بیان اسے ٹی حمزہ خان ناصر کراچی ٹی چینی شاری تے دروک آ وین آ دہشت گرد آتا جلہو اٹی مسہ چینی شاری و اوفتا پاکستانی ڈیور نا زوال کننگ آ است ہسونی نا درشانی ءِ کرسا پارینے کہ پاکستان دشمن واکدار آک پاکستان اٹ دہشت گردی کرسا ملک ءِ نزوری نا گواچی کننگ نا بے سہب کوشست کننگ ءُ ولے نن اوفتے پاننگ خوانہ کہ پاک فوج و ایلو سیکورٹی ادارہ غاک الس تون اوار مرسا اوفتا ناپاک عزم آتے بے سہب کیرہ۔ اوپارے کہ حکومت چینی شاری تیا جلہو اٹی اوار اسل دہشت گرد آتے دزگیر کرسا اوفتے اوفتا کروک نا سزا تننگے و درملکی شاری تا جان و مال انا رکھ اکن گچین و عملی گام گیج کے۔
