اسلام آباد۔ 26 اپریل (اے پی پی) وزیر داخلہ رانا ثناءاللہ پارینے کہ داسہ سیاست اٹ ہچ ءُ ہڑدڑ اس مفک، گچین کاریک تینا تخوک آ وخت آ مریرہ، ہرکس ءِ کانود ءِ دوٹی ہلیک کانود حرکت اٹی بریک، عمران خان نا کرپشن آ ہچ ءُ این آر او اس تفنگگ۔ سے شنبے نادے آ مسکوہی وزیر داخلہ شیخ رشید احمد نا بیان آ ردعمل آ مبنی تینا اسہ بیان اسے ٹی اوپارے کہ شیطان روچہ ٹی دروغ اتون پاش کرینے ہرادا پاریکہ کہ تحریک بے پتی ’’بے سہب ءِ، بے سہب ءِ ، بے سہب ءِ‘‘ ، او اونا سرسہبی آن پد داسہ پوسکن آ چورن اس سوداکننگ کن بسنے ، دا ہمودروغ تڑآ بندغ ء، ہرا پاریکہ داسہ سیاست کپرہ۔ رانا ثناء اللہ پارے کہ اگہ ہشت آن پد عمران نیازی الیکشن کمیشن آ ہِننگ ءِ تو غیرکانودی فارن فنڈنگ، منی لانڈرنگ و چندہ نا پیسہ غاتا لٹ و پل نا ورندی ءِ تروئی مریک۔ اوپارے کہ داسہ سیاست اٹ ہچ ءُ ہڑدڑ اس مفک انتئے کہ غنڈا و بدماش ملک آ کوزہ گیر اف۔ اوپارے کہ الیکشن تینا تخوک آ وخت آ مریک ، پین انت ءِ کروئی ءِ کبو ، نن سیکورٹی ایتنہ۔ اوپارے کہ ہراکانود ءِ دوٹی ہلیک، کانود حرکت اٹی بریک۔ اوپارے کہ عمران خان ءِ تحریک بے پتی ٹی ہچ ءُ این آر او اس تننگتنے و کرپشن اٹی ہم ہچ ءُ این آر او اس تفننگک۔
