لاہور۔25اپریل (اے پی پی):لاہور ہائیکورٹ ءَ یک سیاسی گل ءِ گچین کاری نشان ءَ را دومی ءَ را الاٹ نہ کنگ ءِ ھاترءَ دزبندی ءِ سرءَ ہمگرنچیں حکام ءَ را دومی رندءَ نوٹس دیم داتگءُ شق وار جواب لوٹ اِتگ۔ آمید گس ءَ اٹارنی جنرل ءُ ایڈووکیٹ جنرل پنجاپ ءَ را کمک ءِ ھاترءَ توار کتگء ُ گشتگ کہ دزبندی ءِ تہا حاسیں کانونی نکات چست کنگ بوتگ اَنت، تشریح ءِ ھاترءَ لا افسرآنی کمک المی اِنت۔ لاہور ہائیکورٹ ءِ جسٹس ساجد محمود سیٹھی ءَ پاکستانی امریکی شہری سید محمد اقتدار حیدر ءِ دزبندی گوشداشتگ کہ آئی ءِ تہا الیکشن ایکٹ 2017ءِ بازیں دفعات آنی سرءَ اعتراض چست کنگ بوتگ۔ دزبندی ءِ تہا گشگ بوتگ کہ گچین کاری مٹءُ بدلی ءِ ھاترءَ ایکشن ایکٹ 2017 منظور کنگ بوتگ ۔ آمید گس ءَ دزبندی ءِتہا چست کتگیں نکات آنی سرءَ فریقین آناں نوٹس جاری کتگء ُ شق وار جواب لوٹ اِتگ۔ آمید گسءَ اٹارنی جنرل پاکستان ءُ ایڈووکیٹ جنرل پنجاپ ءَراہم کمک ءِ ھاترءَ نوٹس دیم داتگ۔
