تدوک آ بیست ءُ چار گھنٹہ ٹی مچ آ ملک اٹی بیرہ 100 بندغ آتیٹی کورونا دین پک ، قومی ادارہ جان جوڑی نا ٹویٹ

اسلام آباد۔ 25 اپریل (اے پی پی) تدوک آ بیست ءُ چار گھنٹہ ٹی مچ آ ملک اٹی بیرہ 100 بندغ آتیٹی کورونا دین پک مس مثبت کیس آتا کچ 0.53 ئس۔ ہفتہ نادے آ قومی ادارہ جان جوڑی نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 18 ہزار 645 کورونا ٹیسٹ کننگانے ہرافتیان 100 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ کورونا ٹیسٹ آتا مثبت نا کچ 0.53 درسد ئسک۔ داکان بیدس داوخت آ کورونا دین انا سوب آن زوال کروک آتا کچ ءِ صفر ریکارڈ کننگانے وخت اس کہ 187 ناجوڑ آتا حالیت نازرک ءِ۔