عہدہ نا سوغند، پوسکن گچین مروک آ وزیراعلیٰ پنجاب حمزہ شہباز عدالتی پرمان تیا عملدرآمد کن لاہور ہائیکورٹ اٹی اسہ پین درخواست اس دائر کرے

لاہور۔ 25 اپریل (اے پی پی) وزیراعلیٰ پنجاب نا عہدہ نا سوغندنا عدالتی پرمان تیا عملدرآمد کن مسلم لیگ (ن) نا راہشون و پوسکن گچین مروک آ وزیراعلیٰ پنجاب حمزہ شہباز اسہ پین درخواست اس دائر کرے۔ چیف جسٹس لاہور ہائی کورٹ جسٹس محمد امیر بھٹی درخواست نا سماعت ءِ کیک۔ درخواست اٹی سیکرٹری ٹو صدر پاکستان، فیڈریشن ، وزیراعظم ، پنجاب حکومت ءِ فریق جوڑ کننگانے۔ حمزہ شہباز درخواست اٹی موقف اختیار کرینے کہ درخواست گزار سوغندی کن عدالت عالیہ تون رجوع کریسس انتئے کہ آئینی دائرہ اختیار ءِ کاریم اٹ اتنگ آن بیدس پین ہچ ءُ کسر اس اف۔ درخواست اٹی ہائی کورٹ نا پرمان تیا عملدرآمد نا خواست کننگانے۔ یات سلے کہ داکان مست حمزہ شہباز عدالت عالیہ ٹی دائر درخواست اٹ موقف اختیار کریسس کہ پوسکن گچین  مروک آ وزیراعلیٰ پنجاب آن سوغند ہلپننگ انگ ءِ۔ سوغند ہلپننگ آئین و کانود نا خلاف ورزی ءِ۔ درخواست گزار تون شرفمند آ عدالت تون رجوع کننگ آن بیدس پین ہچ ءُ کسر اس اف۔ اولیکو درخواست اٹی موقف اختیار کننگاسس کہ پنجاب اسمبلی نا سیشن اٹی حمزہ شہباز ءِ وزیراعلیٰ پنجاب گچین کننگانے ہنداخاطرآن عدالت پوسکن آ وزیراعلیٰ پنجاب آن سوغند ہلنگ نا پرمان جاری کے ہراڑآ عدالت عالیہ نا چیف جسٹس آ تالان سنگل بنچ حمزہ شہباز نا دائر درخواست آ صدر پاکستان ءِ سوغند کن نمائندہ پن کننگ نا پارت کریسس۔