مزن وزیر ءِ پنتءُ شون ء ِ پد ءَ ضلع دادو ءِ میتگ فیض محمد دریانی چانڈیو ءَ آس  لگ اِتگیں آماچیں مردمانی تہا کمکی چیک برءُ بانگ کنگ بوتگ

اسلام آباد۔24اپریل  (اے پی پی):مزن وزیر عمران خان محمد شہباز شریف ءِپنتءُ شون ءِ سرءَ  نیشنل ڈیزاسٹر منیجمنٹ  اتھارٹی ( این  ڈی ایم اے ) ءَ ضلع  دادو ءِ میتگ  فیض محمد دریانی چانڈیو ءَ آس لگگ ءِ آماچیں مردمانی تہا کمکی چیک برءُ بانگ  کنگ بوتگ۔ این ڈی ایم اے ءِ نیمگ ءَ چہ جاری جار ءِ ردءَ 18 اپریل  2022 دوشمبے ءِ شپ ءَ ضلع دادو ءِ میتگ ءَ  تینز گواتانی سببءَ آس لگگ ءِ اندوہناکیں وئیل ءَ 8 مردم بیران، 3 ٹپیگ وہد ے کہ 75 لوگ آماچ بوتگ اَنت۔ مزن وزیر ءِ نیمگ ءَ چہ  بیران بوتگیں  مردمانی  حانداں ہوار  ٹپیگ ء ُ ایندگہ آماچیں لوگانی ھاترءَ یک یک کروڑ کلدارءِ پیکج ءِ جار جنگ بوتگ۔  کمکی چیک این  ڈی ایم اے ءَ پی ڈی ایم اے سندھ ء ُ ضلعی اتنظامیہ دادو ءِ کمک ءَ چہ آماچیں لوگاں برء ُبانگ کتگ اَنت۔