وزیر ءِ ھزانگ  ڈاکٹر مفتاح اسماعیل ءِ میاں اوستمانی بینک ءِ نائب  صدر ہت ویگ شیفر ءَ گوں  گند ءُ ند،  پاکستان ءُ میاں اوستمانی بینگ ءِ نیام ءَ  شریکداری  کار آنی سر ءَ چار ءُ تپاسی گرگ بوت

اسلام آباد۔24اپریل  (اے پی پی): بنجاھی وزیر   ڈاکٹر مفتاح اسماعیل ءَ واشنگٹن  ءَ میاں اوستمانی بینک ءِ   نائب صدر ہرت ویگ شیفر ءَ  گوں گند ءُ نند کت۔  گند ءُ نند  ءَ پاکستان  ءُ میاں اوستمانی بینک ءِ نیام ءَ  شریکداری کار آنی سر ءَ چار ءُ تپاسی گرگ بوت۔  وزیر ءِ ھزانگ  ءَ پاکستان ءِ  چاگردی ءُ  اکنامیکلی دیمروئی ءَ میاں ااسمانی بینک ءِ کرد  ءُ کمک آناں ساڑات۔  وزیر ءِ  ھزانگ  ءَ گوشت کہ پاکستان ءَ اے وھد ءَ میاں اوستمانی بینک ءِ کمک ءَ چہ بازیں منصوبگ آنی سر ءَ کار جاڑی انت۔  میاں اوستمانی بینک  ءِ نائب صدر ءَ  پاکستان  ءِ چاگردی ءُ   اکنامیکلی دیمروئیءِ واستہ میاں اوستمانی بینک ءِ کمک ءُ  ھمبراہ داری ءِ جزم ءِ درشان کتگ۔