اسلام آباد۔ 23 اپریل (اے پی پی) وزیراعظم محمد شہباز شریف ہفتہ نادے آ اسہ دے ئی دورہ غا کوئٹہ غا روانہ مس۔ وزیراعظم کوئٹہ ٹی خضدار کچلاک قومی شاہراہ نا سیکشن ون و سیکشن ٹو انا بنداو ءِ تخک۔، وزیراعظم نا میڈیا ونگ آن جاری بیان نا رداٹ وزیراعظم کراچی۔ کوئٹہ۔ چمن شاہراہ نا بشخ خضدار کچلاک قومی شاہراہ نا پوسکن تفنگ و اودے دورویہ کننگ نا بنداو ءِ تخک ہراڑآن بلوچستان نا اہم شار تا نیام اٹ ہن و بر اٹی آسانی مریک۔ وزیراعظم بلوچستان نا انتظامی امور ، امن و ایمنی نا حالیت خاص وڑاٹ روچہ خصوصی پیکج آ عملدرآمد نا جاچ ءِ ہلیک و بلوچستان اٹی المی آ گڑاتا تخوک آ نرخ آتیان زیات اٹی بہا کننگ و فراوانی نا کمتی نا غاو آ دیوان نا کماشی ءِ ہم کیک۔ وزیراعظم بلوچستان اٹی السی نمائندہ غاتون اوڑدہی ہم کیک۔ وزیر مواصلات مولانا اسعد محمود، وزیر ڈٹ بندی احسن اقبال و چیئرمین بلوچستان نیشنل پارٹی سردار اختر مینگل وزیراعظم تون اوار ءُ۔
