آئین نا بالادستی آن پاکستان اٹی جمہوری ادارہ غاتے پین سوگو کننگ مریک، وزیراعظم شہباز شریف نا قومی اسمبلی نا باسک محسن شاہ نواز رانجھا تون اوڑدہی ٹی گپ وتران

اسلام آباد۔ 23 اپریل (اے پی پی) وزیراعظم محمد شہباز شریف پارینے کہ آئین نا بالادستی آن پاکستان اٹی جمہوری ادارہ غاتے پین سوگو کننگ مریک۔ وزیراعظم آفس نا میڈیا ونگ آن جاری بیان نا رداٹ وزیراعظم تون قومی اسمبلی نا باسک محسن شاہ نواز رانجھا ہفتہ آ اسلام آباداٹی اوڑدہی کرے۔ اوڑدہی ٹی پاکستان اٹی جمہوریت نا سوگوی و پاکستان نا زرگزرانی شونداری نا بابت باندات آتیا شرہ مس۔ اوڑدہی ٹی وزیراعظم محمد شہباز شریف پارے کہ آئین نا بالادستی آن پاکستان اٹی جمہوری ادارہ غاتے پین سوگو کننگ مریک۔ اوپارے کہ جمہوری ادارہ غاتا سوگوی و الس نا آسودہی کن ننے غٹ ءِ اواری اٹ کاریم کروئی مریک۔ محسن شاہ نواز رانجھا دا یخین نا درشانی ءِ کرے کہ وزیراعظم شہباز شریف نا کماشی ٹی بنجائی حکومت اٹی شونداری نا ہمو رفتار نظر بریک ہرا اونا کماشی ٹی پنجاب اٹی خننگا۔