وزیر داخلہ نا اوغانستان نا علاقہ غان پاکستانی سیکورٹی فورس آتیا دہشت گرد آتا سم کاری نا واقعہ نا مذمت

اسلام آباد۔ 23 اپریل (اے پی پی) وزیر داخلہ رانا ثناء اللہ اوغانستان نا علاقہ غان پاکستانی سیکورٹی فورس آتیا دہشت گرد آتا سم کاری نا واقعہ نا مذمت ءِ کرسا سم کاری آن سیکورٹی فورس آتا کارندہ غاتا  شہیدی آ است ہسونی نا درشانی ءِ کرینے۔ ہفتہ نادے آ تینا بیان اٹی وزیر داخلہ پارے کہ سیم انا ایپار آن دہشت گرد ی نا کارروائی نا ترندی اٹ مذمت ءِ کینہ، داوڑنا واقعہ غاتے اسُل منپنہ ودافتا توننگ کن دمدستی گام گیج کننگ نا گرج ءِ۔ وزیر داخلہ وطن نا خاطر جون تروک آ سیکورٹی فورس آتا کارندہ غاتے سلام و خراج عقیدت پیش کرے۔ اوپارے کہ شہید مروک آ حوالدار تیمور، نائیک شعیب و سپاہی ثاقب نواز نا خاہوت تون ہڑزخواہی کینہ۔ اوپارے کہ وطن نا رکھ انا خاطر نن ہروڑنا قربانی ایتنہ۔