اسلام آباد۔ 23 اپریل (اے پی پی) بنجائی وزیر قومی جان جوڑی عبدالقادر پٹیل پارینے کہ پولیو اسہ موذی ءُ مرض اسے پولیو نا چٹفنگ کن گچین گام گیج کننگ انگ ءِ ۔ بنجائی وزیر قومی جان جوڑی تینا ویڈیو کلہواٹی پارینے کہ پاکستان آن پولیو نا چٹفنگ کن سنبرینگوک اُن ۔ اوپارے کہ الحمداللہ پاکستان بھاز زوت پولیو نا مون ءِ تورینے و نن تینا چین تے معذور مننگ …
پولیو اسہ موذی ءُ مرض اسے پولیو نا چٹفنگ کن گچین گام گیج کننگ انگ ءِ، عبدالقادر پٹیل
گیشتریں ھال
اسلام آباد۔ 23 اپریل (اے پی پی) بنجائی وزیر قومی جان جوڑی عبدالقادر پٹیل پارینے کہ پولیو اسہ موذی ءُ مرض اسے پولیو نا چٹفنگ کن گچین گام گیج کننگ انگ ءِ ۔ بنجائی وزیر قومی جان جوڑی تینا ویڈیو کلہواٹی پارینے کہ پاکستان آن پولیو نا چٹفنگ کن سنبرینگوک اُن ۔ اوپارے کہ الحمداللہ پاکستان بھاز زوت پولیو نا مون ءِ تورینے و نن تینا چین تے معذور مننگ آن بچفوئی ءِ۔ اوپارے کہ اینو15 تُو آن پد پولیو نا اسہ کیس اس سویلی وزیرستان آن رپورٹ مسنے ہرا است ہسونی نا سوب ءِ۔ عبدالقادر پٹیل پارے کہ پولیو ہلہلہ ئی دیوان بٹنگسا گچین و مربوط حکمت عملی اس جوڑ کننگ نا فیصلہ کننگانے۔ اوپارے کہ زہمی علاقہ ٹی ننا پولیو ٹیمک دورہ کیرہ دین انا ساڑی گری نا سوب آتے پٹرہ۔ اوالس آن خواست کرسا پارے کہ پولیو نا چٹفنگ کن حکومت تون پبی تفر۔ پاکستان ءِ پولیو آن پاک کننگ کن میڈیا، سول سوسائٹی و عالم دینک تینا خاص کڑد ءِ ادا کیر۔
