اسلام آباد۔ 23 اپریل (اے پی پی) الیکشن کمیشن آف پاکستان مچ آ ملک اٹی غٹ قومی و صوبائی اسمبلی تا حلقہ بندی تا کاریم 11 اپریل 2022 آن بناکرینن و بے سلنگ آن 3 اگست 2022 اسکان برجاسلک وخت اس کہ حلقہ بندی تا شیڈول نا رداٹ مچ آ ملک انا غٹ قومی و صوبائی اسمبلی تا حلقہ بندیک آئین و کانود نا رداٹ پورو مریرہ۔ الیکشن کمیشن نا جاری کروک حلقہ بندی تا شیڈول نا رداٹ دا وخت آ ہر چار آ صوبہ و اسلام آباد کن ٹہیفوک حلقہ بندی کمیٹی تا ٹریننگ نا ریسہ برجاءِ۔ حلقہ بندی تیکن نقشہ جات و پین ڈیٹا الیکشن کمیشن تعلقدار ادارہ غاتیان دوئی کرینے و حلقہ بندی شیڈول نا رداٹ حلقہ بندی کمیٹی مچ آملک انا قومی و صوبائی اسمبلی تا حلقہ جات نا بنائی حلقہ بندی تے 24 مئی 2022 اسکان پورو کیک۔ اوکان پد حلقہ بندی تا بنائی اشاعت 28 مئی 2022 آ کننگک۔ بنائی حلقہ بندی تیا اپیل /اعتراض 29مئی 2022 آن ہلیس 28 جون 2022 اسکان الیکشن کمیشن آف پاکستان سیکرٹریٹ اسلام آباد اٹی جمع کرفنگ مریک۔ الیکشن کمیشن غٹ اپیل یا اعتراض آتا سماعت ءِ یکم جولائی 2022 آن 30 جولائی 2022 اسکان کیک و 3 اگست 2022 آ مچ آ ملک اٹی غٹ قومی و صوبائی اسمبلی تا حلقہ بندی تا کاریم نا پوروی و گڈیکو اشاعت مریک۔
