اسلام آباد۔ 23 اپریل (اے پی پی) بنجائی وزیر جان جوڑی عبدالقادر پٹیل پارینے کہ گچین آب اٹ درمان ریاست نا زمواری ءِ۔ ہیلتھ سیکٹر اٹی الس نا فائدہ غاتے مون آ تخسا فیصلہ کننگک۔ داخیال آتا درشانی ءِ او پولی کلینک ہسپتال نا اناگت دورہ غان پد میڈیا تون گپ وتران اٹی کرے۔ وزیر جان جوڑی چندی وارڈ آتا ہم دورہ ءِ کرے۔ اوہسپتال اٹی تروک آ آسراتی تا جاچ ءِہلک۔ اوناجوڑ آتے تروک آ آسراتی تا بارواٹ اَریفے۔ اوپارے کہ ڈاکٹر و پیرامیڈیکل اسٹاف ناجوڑ آتے آب اٹ درمان نا آسراتی فراوان کیر۔ اوپارے کہ دوائی تا بے سلنگ آن فراوانی ءِ پک کیر۔ ناجوڑ آتیکن غٹ المی ٹیسٹ آتا وخت آ فراوانی ءِ پک کننگے۔ اوپارے کہ گچین آب اٹ درمان ریاست نا زمواری ءِ۔ اوپارے کہ ہیلتھ سیکٹر اٹی الس نا فائدہ غاتے مون آ تخسا فیصلہ کننگک۔ غٹ سینٹر ڈاکٹر پیرامیڈیکل اسٹاف ہسپتال آتیٹی حاضری ءِ پک کیر۔ اوپارے کہ ہسپتال آتیٹی دورہ غاتا بنداوی مسخت تروک آ آسراتی تا جاچ ءِ ہلنگ ءِ۔ اوپارے کہ ہسپتال آتا کارکڑد ءِ تینٹ مانیٹر کیوہ، سرکاری ہسپتال آتیا ناجوڑ آتا بھاریم ودنگ ءِ، الس ءِ ریلیف تننگ ننا اولیت ءِ۔ اوپارے کہ ہسپتال اٹی مون تروک چیلنج و ویل آتے اولیتی بنداو تیا ایسر کننگک ۔
