اسلام آباد۔22اپریل (اے پی پی):پیسریگیں مزن وزیر عمران خان ءُ آئی ءِ لوگ بانک بشریٰ بی بی ءَ را اگست 2018 ءَ بگر تاں دسمبر 2021 ءَ تاں تحریک انصاف ءِ حکومت ءِ دور ءُ باریگ ءَ 112 قیمتی ٹیلی رستگ ایشانی مالیت 14 کروڑ 20 لکھ 42 ہزار کلدار بوتگ ایش آئی ءَ 3 کروڑ 89 لکھ 77 ہزار کلدار ءَ ریٹین ویلیو ءِ مد ءَ توشہ خانہ ءَ چہ بھا زرتگ انت یا مپت ءَ وتی کرا ایر کتگ انت۔ راجی ھال رسانکی در “اے پی پی” ءَ را رستگیں مسل آنی رد ءَ پیسریگیں مزن وزیر ءُ آئی ءِ زھگ ءَ را رستگیں 52 ٹیلی ایشانی مالیت 8 لکھ کلدار ءَ چہ گیش بوتگ آ بگری ریٹین ویلیو ءِ دیگ ءَ وتی کرا ایر کتگ انت۔
توشہ خانہ کابینہ ڈویژن ءِ چیر دستی ءَ کار کنوکیں محکمہ ات ایش سروک آنی، آفیشلز ءُ پارلیمنٹ ءِ باسک آناں حکومتی سروک آناں ریاست آنی سروک ءُ ڈنی ملک آنی نیمگ ءَ وش اتکی جوزگ ءِ رنگ ءَ رستگیں ٹیکی آنی ریکاٹ ءَ رد ءُ بند کنت۔ اے وھد ءَ حکومت ءَ توشہ خانہ ءَ چہ سیادی داروکیں اچ ھم وڑیں ریکاٹ دیگ ءَ چہ دزبندی کتگ ءُ گوشتگ کہ ایشی ءَ چہ میاں اوستمانی یکوئی ھراب بوت کن انت۔
استیں مسل آنی رد ءَ پیسریگیں مزن وزیر عمران خان ءُ آئی ءِ لوگ بانک ءَ را ستگیں ھپت قیمتی رولکس ءُ گراف دستی گھڑی، جیولری، ہار، بریسلٹ، مندریک، ڈنر سیٹ، پرفیوم ءَ ھور ایندگری گران بھائیں ٹیلی ھوار انت ایش آواں چل ءِ ریٹ ءَ بھا زرتگ انت۔ آواناں سعودی عرب ءِ تر ءُ تاب ءِ ساھت ءَ ولی عہد محمد بن سلمان ءِ نیمگ ءَ چہ یک دستی گھڑی ءِ ٹیکی ءَ رستگ ایشی ءِ قیمت 8 کروڑ 50 لکھ کلدار بوتگ، آئی ءَ را دو کف لنکس مالیت 56 لکھ 70 ہزار، یک پین 15 لکھ، یک رنگ 87 لکھ کلدار مالیت ءِ ٹیلی رستگ ایش آئی ءَ 2 کروڑ 2 لکھ کلدار ءَ زرتگ انت۔ ایشی ءَ ابید رولیکس گھڑی ایشی ءِ مالیت 38 لکھ بوتگ ایش آئی ءَ 7 لکھ 74 ہزار ریٹین ویلیو داتگ ءُ زرتگ۔ ایشی ءَ ابید مزن وزیر ءَ اے سال ءَ رستگیں ٹیلی آنی تہ ءَ مکہ کلاک تاور ءِ ماڈل، جتا جتائیں ڈیکوریشن پیس ٹیلی ءَ رستگ، 2018 ءَ آئی ءَ 15 لکھ کلدار ءِ یک رولیکس گھڑی ءِ ٹیکی ءَ رستگ ایش آئی ءَ 2 لکھ 94 ہزار کلدار ریٹین ویلیو داتگ ءُ زرتگ۔
ھمے سال ءَ 9 لکھ کلدار ءِ یک ررولیکس جینٹس گھڑی ءُ لکھ کلدار ءِ یک رولیکس گھڑی، یک آئی فون مالیت 2 لکھ 10 ہزار ءَ ھوار گُد پروفیو،، بٹوہ، لیڈیز پرس ھم رستگ، اے درستانی کلی مالیت 17 لکھ 23 ہزار کلدار بوتگ ایش 3 لکھ 38 ہزار 600 کلدار ءَ داتگ آئی ءَ زرتگ انت۔ 2019 ءِ ساھت ءَ مزن وزیر ءَ جتا جتائیں ڈیکوریشن پیس، کارپٹ ءَ ھوار بازیں ٹیکی ءِ رستگ۔ 11 اکتوبر 2019 ءَ آئی ءَ گولڈ ءُ ڈائمنڈ ءِ چین ءِ یک لاکٹ، گوشے ٹوپس ، 3 مندریک، 3 بریسلیٹ رستگ ایش آئی ءَ 5 لکھ 44 ہزار 700 ریٹین ویلیو ءِ ادا کنگ ءَ بھازرتگ انت۔
آئی ءَ گوشت کہ 2 لکھ کلدار ملیت ءِ 2 کلو عود، یک لکھ 80 ہزار کلدار ءِ یک تسبیح ءُ یک لکھ 80 ہزار کلدار ءِ عطر ءِ دوشیشگ، دو لکھ چالیس ہزار کلدار داتگ ءُ زرتگ انت۔ نوری ٹیک ءِ یک لکھ 10 ہزار کلدار ءِ 26 پیس ءِ ڈنر سیٹ 40 ہزار کلدار، یک لکھ کلدار مالیت ءِ یک ٹنر سیٹ ءُ کف لنکس 45 ہزار کلدار ءِ دیگ ءَ چہ چل ءِ ریٹ ءَ بھا زرتگ انت۔
ھمے رنگ ءَ 2021 ءَ بشریٰ بی بی ءَ را 13 لکھ 59 ہزار کلدار ءِ ہار، 2 لکھ 75 ہزار کلدار ءِ ٹاپس، 2 لکھ 25 ہزار کلدار ءِ مندریک ءُ 40 لکھ کلدار ءِ بریسلٹ ءَ ھوار اے توامیں سامان 29 لکھ 14 ہزار کلدار ءَ بھار زورتگ انت۔ ایشی ءَ ابید زیتون ءِ ٹیل ءُ دگہ ناہ ھم توشہ خانہ ءَ چہ برتگ انت۔ ھمے رنگ ءَ آئی ءَ سعودی عرب ءَ چہ رستگیں عود ووڈ، دو بوتل، ناہ، شہد، زیتون ءِ ٹیل ءُ بازیں دگہ چیز یک لکھ 33 ہزار 250 کلدار جم کتگ ءُ برتگ انت۔
