کوئٹہ۔ 22 اپریل (اے پی پی) وزیراعلیٰ بلوچستان میرعبدالقدوس بزنجو آواران کاہان اٹی سیکورٹی فورس آتیا دہشت گرد آتا سم کاری نا واقعہ نا مذمت ءِ کرسا دہشت گرد آتون مقابلہ ٹی شہید مروک آ میجر شاہد بشیر نا خاہوت تون است ہسونی نا درشانی ءِ کرینے۔ وزیراعلیٰ بلوچستان عبدالقدوس بزنجو تینا ہڑزخواہی بیان اٹی پارے کہ شہید میجر نرزوری اٹ دہشت گرد آتا مقابلہ ءِ کرسا شہیدی نا جام ءِنوش کرے۔ شہید میجر نا کمانڈ اٹی سیکورٹی کارندہ غاک ملک دشمن زموارآتے بھلو نسخان اس ترسا نرفنگ آ بیوس کریر۔ وزیراعلیٰ بلوچستان مستی پارے کہ ننے تینا شہید و فورس آتیا گمر ءِ۔ سیکورٹی فورس آک بلوچستان نا غیرت مند و محب وطن الس تون اواری اٹ صوبہ ٹی امن و سوگوی ءِ پک کننگ ءُ۔ وزیراعلیٰ نا شہید میجر شاہد بشیر نا خاہوت تون ہڑزخواہی و ہمدردی نا درشانی ءِ کرینے۔ اللہ شہید نا درجہ غاتے بڑز و خاہوت ءِ صبر و جمیل عطاکے۔ اوواقعہ ٹی ٹھپی کارندہ نا زوت دراخ جوڑی کن دعا کرے۔
