پاکستان نا پارلیمنٹ چاگڑد ءِ گچین کننگ و موسمیاتی بدلی نا منفی اثرآتے کم کننگ کن کانود سازی کرے و جامع حکمت عملی اس تینا کرے، چیئرمین سینیٹ صادق سنجرانی

اسلام آباد۔ 22 اپریل (اے پی پی) چیئرمین سینیٹ صادق سنجرانی پارینے کہ موسمیاتی تغیرات بالواسطہ یا بلاواسطہ وڑاٹ انسانی زند آتے زہمی کننگ ءُ۔ پاکستان نا پارلیمنٹ چاگڑد ءِ گچین کننگ و موسمیاتی بدلی نا منفی اثرآتے کم کننگ کن کانود سازی کرے و جامع حکمت عملی اس تینا کرے۔ داخیال آتا درشانی ءِ او ’’جہانی یوم ارض‘‘ انا وخت آ تینا کلہو اٹی کرے۔ چیئرمین سینیٹ محمد صادق سنجرانی  پارے کہ ارتھ ڈے انا کمک اٹ مچ آ دنیا ٹی چاگڑد نا اہمیت ء، تالان کننگ انگ ءِ۔ چیئرمین سینیٹ پارے کہ موسمیاتی تغیرات بالواسطہ یا بلاواسطہ وڑاٹ انسانی زند آتے زہمی کننگ ءِ۔ اوداہیت آ زور شاغا کہ موسمیاتی بدلی ، گلوبل وارمنگ آن لاحق خطرہ غاتا مقابلہ ءِ کننگ کن اقوام متحدہ و مچ آ دنیا ٹی رائج ایس ڈی جیز نا رداٹ ملک انا تہہ ٹی گام گیج کننگ انگ ءِ۔ مستین خڑک اٹ تاریخی گام گیج کننگانے و دا گام گیج آتا مچ آ دنیا ٹی ستاءِ کننگانے۔ چیئرمین سینیٹ نا پاننگ ئس کہ پاکستان نا پارلیمنٹ دا چرجوئی ٹی گچین کڑد ادا کرینے و چاگڑد ءِ گچین کننگ و موسمیاتی بدلی نا منفی اثرآتے کم کننگ کن کانود سازی اتون اوار اوار اسہ جامع حکمت عملی اس تینا کرینے۔ چیئرمین سینیٹ پاکستانی شاری تیان خواست کرینے کہ او کرہ ارض اتون سچا جوزہ و مہرومریبت نا درشانی ءِ کرسا یوم ارض ءِ جم و جوش اٹ اڈ ایتر۔