اسلام آباد۔ 22اپریل (اے پی پی) چیئرمین سینیٹ محمد صادق سنجرانی بلوچستان نا علاقہ آواران اٹی سیکورٹی فورس آتا چیک پوسٹ آ دہشت گرد جلہو نا ترند انگا لوز آتیٹی مذمت ءِ کرینے۔ چیئرمین سینیٹ دہشت گرد آتا جلہو اٹی نہادی جانی نسخان آ است ہسونی نا درشانی ءِ کرسا پارے کہ داوڑنا لغوری کارروائیک ننا عزم ءِ بدل کننگ کپسہ۔ اونا پاننگ ئس کہ دہشت گرد آک شونداری نا عمل ءِ لتاڑنگ خوارہ ہرادے ہچ ءُ حالیت اسے ٹی سرسہب مننگ کن الیپنہ۔ فوج و سیکورٹی ادارہ غاتا دہشت گردی نا برخلاف جنگ اٹ قربانیک بے مٹ ءُ۔ چیئرمین سینیٹ محمد صادق سنجرانی دہشت گرد جلہو اٹی شہید مروک آ میجر شاہد بشیر نا درجہ غاتا بڑزی و ٹھپی تا زوت دراخ جوڑی کن دعا کرے۔ڈپٹی چیئرمین سینیٹ  سینیٹر مرزا آفریدی ہم دہشت گردانہ جلہو نا ترندی اٹ مذمت و شہید آتا درجہ غاتا بڑزی کن دعا کرینے۔

متعلقہ مضامینمصنف کی طرف سے مزید