کوئٹہ۔ 22 اپریل (اے پی پی) وزیراعلیٰ بلوچستان میر عبدالقدوس بزنجو ایڈیشنل چیف سیکرٹری ڈٹ بندی و شونداری سلیمان مفتی ءِ پی ایس ڈی پی ٹی اوار منظور مروک غٹ ڈٹ آتیا عمل ءِ ترند کننگ وخت اس کہ سیکرٹری خزانہ حافظ عبدالباسط ءِ شونداری ڈٹ آتیکن فنڈ آتا دمدستی جاری کننگ ءِ پک کننگ نا پارت کرینے۔ وزیراعلیٰ دا پارت آتے اے سی ایس پی اینڈ ڈی و سیکرٹری خزانہ ءِ داڑے مروک آ اوڑدہی ٹی تس ہرافک وزیراعلیٰ ءِ شونداری ڈٹ آتا پیش رفت فنڈ آتا جاری و صوبہ نا مالی امور آ اودے حوال تسنو۔ وزیراعلیٰ پارے کہ پی ایس ڈی پی ٹی اوار غٹ منظور مروک ڈٹ آک اہمیت تخرہ ہرافتا تخوک آ مد اٹی پوروی آن الس ءِ ریلیف ملک، صوبہ نا ہر علاقہ نا شونداری ننا شونداری حکمت عملی نا بشخ ءِ خاص وڑاٹ ہمو علاقہ غاک ہرا شونداری نا عمل اٹ گوجالنگار یا پدی سلیسنو اوفتیا خاص چکار کننگ انگ ءِ۔
