اسلام آباد۔ 22 اپریل (اے پی پی) صوبہ بلوچستان اٹی بلدیاتی گچین کاری 2022 نا بابت پنداری کاغد آتا جمع کرفنگ نا چرجوئی پورو مسنے۔ الیکشن پروگرام نا رداٹ 21 اپریل نن نا 12 بجہ اسکان تعلقدار ریٹرننگ آفیسر آتون پنداری کاغد آتے جمع کرفنگ مسکہ۔ جمعہ 22 اپریل آ پندار اومیتدار آتا فہرست آتے جاری کننگا۔ 23 آن 25 اپریل اسکان پندار کاغد آتا جانچ پڑتال ءِ کننگک۔ 26 آن 28 اپریل اسکان ریٹرننگ آفیسر آتا فیصلہ غاتا برخلاف اعتراض دائر کننگ مریک۔ 29 اپریل آن 6 مئی اسکان ریٹرننگ آفیسر آک اپیل آتیا فیصلہ کیرہ۔ 7 مئی آ اومیتدار آتا نظرثانی مروک لسٹ آتے خلنگک۔ 9 مئی اسکان اومیتدار دزکش مننگ کیک۔ 10 مئی آ اومیتدار آتے گچین کاری نشان تننگک۔ 29 مئی آ بلوچستان نا کوئٹہ و لسبیلہ آن بیدس مچ آ بلوچستان نا غٹ ضلع غاتیٹی پولنگ مریک۔
