بنجائی وزیر خزانہ و محصولات امریکہ غا سرمس، آئی ایم ایف نا بڑزکو عہدیدار آتون اوڑدہی، اٹلانٹک کونسل نا کنڈآن مذاکرہ ٹی  بشخ ہلیک

اسلام آباد۔ 22 اپریل (اے پی پی) بنجائی وزیر خزانہ و محصولات امریکہ نا دارالحکومت واشنگٹن آ سرمس۔ وزیر خزانہ دا دورہ ٹی آئی ایم ایف پروگرام ءِ ٹریک آ اتنگ کن آئی ایم ایف نا بڑزکو عہدیدار آتون اوڑدہی کیک۔ داکان بیدس او اٹلانٹک کونسل نا کنڈآن پاکستان نا اقتصادی منظرنامہ نا بابت اسہ مذاکرہ سے ٹی ہم بشخ ہلیک۔ وزیرخزانہ کورونا دین انا جہانی دین اٹی اقتصادی چیلنج، رسینگ اٹ جہانی اڑاند و پاکستان نا زرگزران نا ویل آتا ایسری کن پوسکن آ حکومت نا ڈٹ انا بارواٹی بشخ ہلوک آتے معلومدار کیک و اوفتا سوج آتا ورندی ءِ ایتک۔ وزیرخزانہ پاکستان آ ن روانگی آن مست تینا اسہ انٹرویو اسے ٹی پاریسس کہ آئی ایم ایف نا پروگرام ءِ ٹریک آ پدی اتنگ کن او واشنگٹن آ ہِننگ ءِ، دا پروگرام ءِ پی ٹی آئی و عمران خان ڈی ریل کرسا ملکی زرگزران ءِ خطرہ  غاتیٹی شاغانے۔