اسلام آباد۔ 22 اپریل (اے پی پی) بنجائی وزیر ڈٹ بندی شونداری و اصلاحات و خصوصی گام گیج احسن اقبال پارینے کہ سی پیک نا رداٹ 9 اسپیشل اکنامک زون آتے 2020اسکان پورو مروئی ئسک اوفتیان بیرہ 4 آ کاریم بنا کننگ کرے۔ جمعہ نادے آ ٹویٹر آ شیئرکروک آ چارٹ اٹی بنجائی وزیر پارے کہ نیازی حکومت نا بابت ہڑدے پوسکن ءُ پت اس پاش مریک ، اونا کارکڑد نا کساس ءِ داچارٹ آن خلنگ مریک۔ سی پیک نا رداٹ 9 اسپیشل اکنامک زون تے 2020 اسکان پورو مروئی ئسک اوفتیان بیرہ 4 آ کاریم بناکننگ کرے و دافتیا کاریم نا رفتار نا کساس ءِ تینٹ خلبو۔ اوپارے کہ داسہ اوفتا 2024 آن 2027 اسکان پورو مننگ نا اندازہ ءِ خلنگانے۔
