کوئٹہ۔ 22 اپریل (اے پی پی) مسلم لیگ (ن) نا راہشون و مصالحتی کمیٹی نا چیئرمین سردار نسیم ترین پارینے کہ روچہ نا تُو برکت و رحمت آتا دوئی کننگ نا تُو ءِ ننے مرے کہ دا مبارک آ تُو اٹی تینا دامون ایمون غریب و چوری تا خاص خیال ءِ تخن و اوفتا است انا حب اٹ کمک ءِ کین۔ داڑے جاری مروک اسہ بیان اسے ٹی سردار نسیم خان ترین پارے کہ روچہ صبر و ہمت و رحمت آتا تُو ءِ دا مبارک آ تُو اٹی حق و باطل نا جنگ مس ہراٹی اللہ حق ءِ سرسہبی تس و اسلام دشمن رسوا مس۔ قرآن و سنت نا نظام مچ آ دنیا کن رحمت و انصاف نا نظام ءِ۔ اوپارے کہ روچہ نا تُو انفرادی و اجتماعی بابت ایمان نا پوسکنی نا موقع اس فراوان کیک۔ اوپارے کہ روچہ مبارک برکت و رحمت آتا تُو ءِ ننے مرے کہ دامبارک آ تُو اٹی زیات آن زیات عبادت کین و سخی تے مرے کہ روچہ مبارک اٹی غریب، مسکین و چوری تا خاص خیال ءِ تخر و اوفتا است انا حب اٹ کمک ءِ کیر تانکہ غریب و مسکین آک ہم روچہ مبارک نا روچہ غاتے تخنگ کیر۔
