کوئٹہ۔ 22 اپریل (اے پی پی)میڈیکل سپرنٹنڈنٹ بولان میڈیکل ہسپتال کوئٹہ ڈاکٹر سلطان احمد لہڑی پارینے کہ ہسپتال اٹی الس ءِ درمان نا فراوانی حکومت نا اولیت آتیٹی اوار ءِ ہراٹی ڈیوالئی و لاپرواہی ءِ سگپنہ ڈاکٹر، پیرامیڈیکل اسٹاف و نرس آک ہسپتال اٹی درمان نا غرض اٹ بروک آ ناجوڑ و اوفتا خاہوت تون جوانی اٹ پیش بریر۔ داہیت ءِ او ہسپتال نا چندی وارڈ آتا اناگت دورہ نا وخت آ گپ وتران کرسا پارے کہ ڈاکٹر سلطان احمد لہڑی پارے کہ بولان میڈیکل ہسپتال اٹی ناجوڑ آتے درمان نا مفت آسراتی تا فراوانی کن غٹ دوئی وسیلہ غاتے کاریم اٹ اتنگ انگ ءِ۔ اوپارے کہ ڈاکٹر آک الس کن مسیحا نا حیثیت تخرہ اوفتے مرے کہ او ہسپتال اٹی درمان نا غرض اٹ بروک آ ناجوڑ آتے ہرممکن آسراتی تا فراوانی ءِ پک کیر۔ اوپارے کہ ڈاکٹر، پیرامیڈیکل اسٹاف ، نرس و ایلو عملہ تینا ڈیوٹی تیا حاضری ءِ پک کیر غیرحاضری ءِ سگنگ پننگک اگہ ملازم اس غیر حاضر خننگا تو اونا برخلاف محکمانہ کارروائی کننگک۔ ڈاکٹر سلطان احمد لہڑی چندی وارڈ آتا دورہ ٹی ناجوڑ آتے درمان نا فراوان کروک آ آسراتی تا فراوانی آ است جمی نا درشانی ءِ کرے۔
