کوئٹہ۔ 22 اپریل (اے پی پی) وزیراعظم نیو ٹیک پروگرام نا رداٹ ژوب انا طالب علم آتے چندی کسب آتے ہیل تننگ ءِ، ارین انسٹیٹیوٹ آف انفارمیشن ٹیکنالوجی نا ڈائریکٹر ثاقب خان و پرنسپل ولی ارین وزیراعظم نیو ٹیک پروگرام نا بابت ہیت کرسا پارے کہ وزیراعظم نیو ٹیک پروگرام نا توسط اٹ اوفتا ادارہ ژوب انا طالب علم آتے کمپیوٹر و پین کسب ہیل تننگ کن کڑد ادا کننگ ءِ، ادارہ نا توسط اٹ زالبول کشیدہ، کمپیوٹر، بیوٹیشن ، ڈریس میکنگ نا کسب وخت اس کہ طالب علم آک کمپیوٹر، ویب ڈیزائننگ ، گرافک ڈیزائننگ نا علم ءِ ہیل کننگ ءُ۔ اوپارے کہ پوسکن آ دور اٹی انفارمیشن ٹیکنالوجی آن نمن مننگ مفک ژوب انا طالب علم آتیٹی دا ٹیلینٹ ساڑی ءِ، اوپارے کہ ادارہ ٹی کمپیوٹر و ایلو کسب آتے ہیل تننگ کن روچہ مبارک اٹی نن نا وخت کلاس آتا بناءِ کننگانے واوٹی طالب علم آک زیات آن زیات بشخ ہلنگ ءُ، ادارہ کمپیوٹر نا علم ءِ ودفنگ کن کوشست کننگ ءِ۔ اوپارے کہ وزیراعظم پروگرام نا توسط اٹ ہرا اسٹوڈنٹ آک فارغ مریرہ اوفتے رجسٹرڈ ڈپلومہ و سرٹیفکیٹ تننگک ، ادارہ تدوک آ کیہی سال آن ژوب انا الس خاص وڑاٹ طالب عم آتے کمپیوٹر نا علم آن شپ کننگ ءِ۔
