اسلام آباد۔ 21 اپریل (اے پی پی) بنجائی وزیر مواصلات مولانا اسعد محمود پارینے کہ مسکوہی حکومت نا میرات اٹی ملوک آ ویل آتا ازالہ کن کوشست کننگ انگ ءِ ، ننے بجلی نا لوڈشیڈنگ و گیس انا کاختی مون تروک ءِ ، کنوئی آ گڑاتا نہاد آک آسمان آ سرمسنو، مخلوق نا اومیت آتیا پورو سلنگ کن حکومت تینا پبی کوشست ءِ کیک۔ جمعیت علمااسلام (ف) نا موقف و ہدف ساف و شفاف و آجو گچین کاری ءِ۔ پنچ شنبے نادے آ قومی اسمبلی ٹی گپ وتران کرسا اوڈپٹی اسپیکر ءِ بے مقابلہ غان گچین مننگ آ مبارکبادی تس۔ او پارے کہ تدوک آ پونے چا رسال اٹی دا کرسی نا ہرا کڑد مسنے ، ننا پارلیمانی تاریخ اٹ دانا مٹ ملپک۔ ریکارد متنازعہ کانود سازی مس۔ دا اینو پیشن نا نیام تمنگ و سازش نا ہیت ءِ کننگ ءُ ، ملک ءِ گرے لسٹ آن کشنگ نا پن آ آئین نا روح ءِ لتاڑنگا۔ ہندن ءُ کانود سازی کننگا کہ ملک انا وتواجہی ءِ ہم گہیو تخار۔ اوفتا جند انا وجود فارن فنڈنگ آن داغدار ءِ او پاکستان نا غت سیاست دان تیا غداری نا لیبل ءِ خلنگ نا بے سہب کوشست کننگ ءِ۔ او اسلامی ملک انا برخلاف امریکہ نا سیوتی مس۔ عمران خان وخت اس ڈکٹیٹر مشرف نا ریفرنڈم اٹ اونا مخ تفی ءِ کریکہ و وخت اس اونا ایلچی جوڑ مسکہ۔ مولانا اسعد محمود پارے کہ ہراتم عمران خان نا حکومت چٹا تو او اسہ چٹھی اسے نا سیوب ءِ ہلنگ نا کوشست کرے ولے اوڑآ ادارہ غاتا ہرا ردعمل بس و اونا تینا پارٹی راہشون و مسکوہی بنجائی وزیر اسٹیبلشمنٹ آن تعلقداری تا خرابی نا اعتراف کرے، داڑآن پیدوار ءِ کہ دا امریکی سازش اس آخا بلکن پین معاملہ سے۔
