اسلام آباد۔21اپریل (اے پی پی): مزن وزیر محمد شہبازشریف ءَ پاکستان تحریک انصاف ءِ چیئرمین عمران خان ءِ فول پروف سیکورٹی ءَ را دل یکیمی کنگ ءِ حکم جاڑی کتگ ایشی ءِ پد ءَ کاروائی کنان ءَ وزارت ءِ تہی کار ءَ پیسریگیں مزن وزیر سیکورٹی ءِ واستہ ترندیں رکھینگی گامگیج کنگ ءِ پنت ءُ شون جاڑی کتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ عمران خان ءَ را سیکورٹی تھریٹ ءِ اھوال ءِ پد ءَ وزارت ءِ تہی کار ءَ را زوتیں ءُ جوانیں گامگیج کنگ ءِ پنت ءُ شون جاڑی کنان ءَ وزیر ءَ تہی کار رانا ثنا ء اللہ ءَ را وت نگرانی کنگ ءُ حکم آنی پکوئی ءَ پیلو کنگ ءِ حکم جاڑی کتگ۔ مزن وزیر ءِ حکم ءِ پد ءَ ووزارت ءِ تہی کار ءَ زوتاں زوت کارائی کتگ ءُ چاریں صوبگ آں ابید آزات کشمیر ءُ گلگت کشمیر ءُ گلگت بلتستان ءِ ہوم سیکٹریز آناں زوتاں زوت نمدی نبشتہ کنگ بوت ایشی ءِ تہ ءَ عمران خان ءِ واستہ ترندیں گامگیج دل یکیمی کنگ ءِ پنت ءُ شون کنگ بوت۔
