اسلام آباد۔21اپریل (اے پی پی): مزن وزیر محمد شہباز شریف ءَ رمضان المبارک ءِ ساھت ءَ الس آناں داتگیں ریلیف پیکیج ءِ پد ءُ رندی ءَ را پکو کنگ ءِ پنت ءُ شون کنان ءَ حکومت ءِ اولی کار گران بھائی ءَ چہ بزگیں الس آناں زوت ریلیف پجاری کنگ انت۔ اے گپ آئی ءَ سر وزیر سندھ سید مراد علی شاہ ءَ گوں تران کنان ءَ گوشت آئی ءَ پن شمبےءِ روچ ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ استیں ملکی جاور ھال سیاسی جاور ھال آنی سر ءَ ھیال ریچی کنگ بوت۔ سر وزیر سندھ ءَ مزن وزیر ءَ را اولی کابینہ دیوان ءَ ملکیدیمروئی ءِ واستہ وت مہ وتی کمکی کار آنی جزم ءِ سر ءَ مبارک بات دات۔ سر وزیر سندھ ءَ مزن وزیر ءَ را سندھ ءِ انتظامی کار آنی سر ءَ بریفنگ دات۔ مزن وزیر شہباز شریف ءَ پنت ءُ شون کت کہ رمضان المبارک ءِ ساھت ءَ الس آناں داتگیں ریلیف پیکیج ءِ پکو کنگ ءَ را دل یکیمی کنگ بہ بیت۔ آئی ءَ گوشت کہ استیں حکومت ءِ اولی کار گران بھائی ءِ آماچیں الس آناں زوتیں رد ء۔ ریلیف پجاری کنگ انت۔ آئی ءَ گوشت کہ السی ریلیف ءِ واستہ صوبگ ءُ بنجاھ ءَ را یکجائیءَ کار کن انت۔
