اسلام آباد۔21اپریل (اے پی پی): مزن وزیر محمد شہباز شریف ءَ گوں بلوچستان نیشنل پارٹی ء، چیئرمین سردار اختر مینگل ءَ پنچ شمبے ءِ روچ ءَ گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ بنجاھی وزیر رانا ثنا ء اللہ ءُ خواجہ سعد رفیق ھم ساڑی ات۔ گند ءُ نند ءَ استیں ملکی سیاسی جاور ھال آنی سر ءَ ھیال ریچی کنگ بوت۔ سردار اختر مینگل ءَ مزن وزیر ءَ بلوچستان ءِ دیمروئی ءَ حکومت ءِ اول سرئی کار آنی تہ ءَ ھوار کنگ ءِ گامگیج آناں وش اتک کت۔ مزن وزیر شہباز شریف ءَ گوشت کہ بلوچستان ناں ایوک ءَ کدرتی آسراتی ءَ چہ مالا مال انت بلکینگ ءَ بلوچ ملک ءِ ٹوھیں مڈی ءُ میراس انت۔ آئی ءَ گوشت کہ حکومت اول سرئی بنیات ءَ بلوچستان ءِ دیمروئی ءِ وستہ گامگیج چست کنان ءَ بلوچ ورنا آناں دیمروئی پڑ ءَ ھواری ءَ دل یکیمی جوڑ کنت۔
