اسلام آباد۔21اپریل (اے پی پی): مزن وزیر شہباز شریف ءَ گوں بلوچستان عوامی پارٹی ءِ صدر جام کمال خان ءُ قومی اسمبلی ءَ پارلیمانی لیڈر خالد حسین مگسی ءِ سروکی ءَ پارٹی ءِ ڈل ءَ پنچ شمبے ءِ روچ ءَ ادا گند ءُ نند کت ءُ ملکی سیاسی جاور ھال آنی سر ءَ ھیال ریچی کت۔ مزن وزیر میڈیا کارگس ء، نیمگ ءَ جاڑی بوتگیں بیان ءِ رد ءَ بلوچستان عوامی پارٹی ءِ ڈل ءَ مزن ویزر ءِ نیمگ ءَ بلوچستان ءِ دیمروئی ءَ را حکومت ءِ اولی کار آنی تہ ءَ ھوار کنگ ءَ را وش اتک کت۔ مزن وزیر ءَ گند ءُ نند کنوکیں ڈل ءَ بنجاھی وزیر سردار اسرار ترین، سینیتر انوار الحق، سینیٹر سرفراز احمد بگٹی، سینیٹر ثمینہ ممتاز، راجی اسمبلی ءِ باسک احسان اللہ ریکی، روبینہ عرفان ءُ باسک صوبائی اسمبلی بلاول آفریدی ھم ھوار اتنت۔
