اسلام آباد۔21اپریل (اے پی پی): مزن وزیر شہباز شریف ءِ پنت ءُ شون ءِ پد ءَ ضلع دادو ءَ فیض محمد دریانی چانڈیو گائو ءَ آس لگگ ءِ واکیہ ءَ چہ بیران بوتگیں مردم آنی سیاد ءُ ورساں ءُ ٹپیگ آنی کمک ءِ واستہ بنجاھی حکومت ءَ 1 کروڑ کلدار جاڑی کتگ وھدیکہ وکیہ ءِ رپوٹ مزن وزیر ءَ را پیش کنگ بوتگ۔ مز ن وزیر کارگس ءِ میڈیا ونگ ء، نیمگ ءَ جاڑی بوتگیں بیان ءِ رد ءَ مزن وزیر شہباز شریف ءَ ضلعی انتظامیہ ءَ را آماچیں مردم آنی برجائی ءَ تاں ھمک رنگیں کمک پجاری دارگ ءِ پنت ءُ شون جاڑی کتگ۔ مزن وزیر ءَ گوشت کہ واکیہ ءَ بیران بوتگیں مردم آنی سیاد ءُ وارساں گوں دلی دلپدردی انت۔ آئی ءَ پنت ءُ شون کت کہ ٹپیگ آنی دوا ءُ درمان ءَ اچ رنگیں کمیگ کنگ بہ بیت۔ مزن وزیر ءَ بنداتی رپوٹ ءَ چہ پد آس لگگ ءِ وجہ ءِ معلوم کنگ ءِ سرجمیں پٹ ءُ پول کنگ ءِ حکم دات۔ مزن وزیر ءَ پنت ءُ شون کت کہ ضلعی انتظامیہ اے رنگیں گامگیج آناں دل یکیمی جوڑ بکنت کہ آیوکیں باندات ءَ اے وڑیں واکیہ اے رنگ ءَ ٹوھیں تاوان بار مہ دنت ءُ سرجمیں رپوٹ ءَ اگاں کسے دست مانجن بوت گڈا ترندی ءَ گوں آئی ءِ ھلاپ ءَ کاروائی کنگ بہ بیت۔
