بنجائی وزیر جان جوڑی عبدالقادر پٹیل نا پمز ہسپتال نا دورہ ، ناجوڑآتے تروک آ آسراتی تا جاچ ءِ ہلک

اسلام آباد۔ 20 اپریل (اے پی پی) بنجائی وزیر جان جوڑی عبدالقادر پٹیل پمز ہسپتال نا اناگت دورہ ءِ کرے و ہموڑے ناجوڑ آتا تروک آ آسراتی تا جاچ ءِ ہلک، اوہسپتال نا ایمرجنسی تون اوار غٹ وارڈ آتا سرجمی اٹ دورہ ءِ ہم کرے۔ ہسپتال نا انتظامیہ بنجائی وزیر  جان جوڑی ءِ ناجوڑ آتے تروک آ آسراتی تا بارواٹ حوال تس۔ داوخت آعبدالقادر پٹیل ہسپتال انتظامیہ ءِ پارت کرے کہ ناجوڑ آتے گچین طبی آسراتی تا فراوانی ءِ پک کیر، ڈکھیائی انسانیت نا خذمت ءِ کننگ ننا مذہبی و اخلاقی فرض ءِ۔ وزیر جان جوڑی پارے کہ غٹ ڈاکٹر و پیرامیڈیکل اسٹاف خواری و جوزہ اٹ کاریم کیر، ساڑی حکومت راجی بشخ و الس نا گچینی کن پبی گام گیج آتے پک کیک۔ اوپارے کہ کنا دورہ نا مسخت الس ءِ ہسپتال اٹ دوئی آسراتی ، ہسپتال انتظامیہ و ناجوڑ آتے مون تروک مشکل آتا جاچ ءِ ہلنگ ئسک۔ اونا پاننگ ئس کہ حکومت جان جوڑی نا بشخ آ خصوصی چکار کننگ ءِ و الس ءِ آب اٹ طبی آسراتی تے پک کننگ کن غٹ تر وسیلہ غاتے کاریم اٹ اتینہ۔ اوپارے کہ ہسپتال نا کارکڑد ءِ ای تینٹ مانیٹر کرسا کیوہ ۔