اسلام آباد۔ 20 اپریل (اے پی پی) وزیر مملکت خارجہ امور حنا ربانی کھر پارینے کہ پاکستان اوغانستان تون اوار ڈیہہ ٹی امن کن تینا کوشست آتے برجاتخنگ کن سنبرینگوک ءِ ، پاکستان کن سوگو و پرامن اوغانستان بھاز اہمیت تخک، اوغانستان آن پاکستانی سیکورٹی فورس آتے شست کننگ نا واقعہ غاک گڑتی اسے ءُ۔ داخیال آتا درشانی ءِ او چارشنبے نادے آ داڑے خصوصی نمائندہ اوغانستان ایمبیسڈر محمد صادق تون گپ وتران اٹی کرے ہرا وزارت خارجہ ٹی اوڑتون اوڑدہی کرے۔ ایڈیشنل سیکرٹری اوغانستان عامر آفتاب قریشی و ڈی جی اوغانستان آصف میمن ئسک ہم داوخت آ ساڑی ئسر۔ خصوصی نمائندہ اوغانستان ایمبیسڈر محمد صادق اوغانستان و ڈیہہ ٹی امن و ایمنی نا حالیت آتا بابت وزیر مملکت خارجہ امور ءِ سرجمی اٹ حوال تس۔ حنا ربانی کھر داوخت آ پارے کہ اوغانستان آن پاکستانی سیکورٹی فورس آتے شست کننگ نا واقعہ غاک گڑتی نا سوب ءُ۔ اوپارے کہ پاکستان، اوغانستان نا آجوئی ، وتواجہی و علاقائی سالمیت نا شرف ءِ کیک، پاکستان کن سوگو و پرامن اوغانستان بھاز اہمیت تخک، پاکستان، اوغانستان تون اوار ڈیہہ ٹی امن کن تینا کوشست آتے برجاتخک۔
