اسلام آباد۔ 20 اپریل (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم ہاؤس آن بیدس پین جاگہ اسے کیمپ آفس ڈکلیئر کننگتنے، سٹی آ خبر آتے تالان کننگپ۔ داخیال آتا درشانی ءِ او چارشنبے نادے آ تینا بیان اٹی کرے۔ وزیر حوالکاری و شینکاری پارے کہ وزیراعظم شہباز شریف نا وزارت عظمیٰ نا منصب ءِ سنبھالنگ آن پد میڈیا و راجی رابطہ غاتا ویب سائٹ آ تیا سٹی آ خبر آتا تالان کننگ نا چرجوئی بایدے سلے۔ اوپارے کہ وزیراعظم ہاؤس آن بیدس پین جاگہ اسے کیمپ آفس ڈکلیئر کننگ نا خبر آک دروغ ءُ، پولیس فورس و انتظامی عملہ نا جاگہ سے آ تعیناتی نا خبرآتیٹی ہم ہچ ءُ راستکی اس اف۔ اونا پاننگ ئس کہ اداریہ نویس ومیڈیا نا سنگت آتیان خواست ءِ کہ داوڑنا سٹی آ خبر ءِ شینک کننگ آن مست پک کیر، سوشل میڈیا نا صارف آتیان ہم خواست ءِ کہ داوڑنا منفی پروپیگنڈا ءِ مسترد کیر۔
