اسلام آباد۔ 20 اپریل (اے پی پی) بنجائی وزیر ڈٹ بندی و شونداری احسن اقبال تون چارشنبےنادے آ وزارت ڈٹ بندی نا غٹ آفیسر آک اوڑدہی کریر و آخبت نا لائحہ عمل ، زرگزران نا چندی بشخ و اوڑتون گنڈوک شونداری ڈٹ آتیا گپ وتران کریر۔ اوپارے کہ زوت چیمپیئز آف ریفارمز نا پروگرام نا بناءِ کینہ۔ دیوان اٹی سیکرٹری ڈٹ بندی و شونداری عبدالعزیز عقیلی، ڈپٹی چیئرمین پلاننگ کمیشن ڈاکٹر جہانزیب خان، باسک آک و وزارت نا غٹ آفیسر آک ساڑی ئسر۔ بنجائی وزیر ڈٹ بندی آفیسر آتے پارت کرے کہ پاکستان ءِ مون تروک ویل آتے ہُننگے و اونا رداٹ نالج تھنک ٹینک اس جوڑ کننگے ہرا مچ آ حکومت نا راہشونی نا فرض ءِ سرایتے۔ سٹیک ہولڈر آتون کانفرنس اڈ ترفنگے و ہُننگے کہ ہراوڑ نن کم آن کم وخت اٹی ویل آتیان پیش تمنگ کینہ ۔
