اسلام آباد۔ 20 اپریل (اے پی پی) بنجائی وزیر جان جوڑی عبدالقادر پٹیل وزارت جان جوڑی ٹی تینا دفتر نا دورہ ءِ کرے۔ وزارت جان جوڑی نا سینئر جوائنٹ سیکرٹری ایڈمن و ایلو سینئر آفیسر آک اودے جم و جوش اٹ بخیر کریر۔ بنجائی وزیر جان جوڑی باقاعدہ وڑاٹ تینا عہدہ نا چارج ءِ سنبھالا۔ داوخت آ بنجائی وزیر پارے کہ جان جوڑی نا بشخ اٹی گچینی کن پبی گچین گام گیج آتے پک کینہ، غٹ آفیسر آک خواری و جوزہ اٹ کاریم کیر۔ عبدالقادر پٹیل پارے کہ جان جوڑی نا بشخ اٹی شونداری آن الس آ مثبت اثر تمک۔ اوپارے کہ جان جوڑی نا بشخ انا گچینی کن غٹ تر وسیلہ غاتے کاریم اٹ اتینہ۔ تینا زمواری تے جوان وڑاٹ پورو کرسا الس نا خذمت ءِ کیوہ، ساڑی حکومت راجی بشخ آ خصوصی چکار تخک، نن عملی گام گیج و سخت کاریم نا کمک اٹ جان جوڑی نا بشخ اٹی نمان گچینی اتینہ۔ گڈ گورننس نا کمک اٹ ہر بشخ اٹی گچینی ءِ پک کینہ، ساڑی حکومت اصلاحات اتنگ و نیزگار و پسماندہ الس نا دادرسی کن ہرممکن گام گیج کیک۔
