اسلام آباد۔ 20 اپریل (اے پی پی) بنجائی وزیر ہاؤسنگ اینڈ ورکس مولانا عبدالواسع پارینے کہ سرکاری ملازم آتا ہنکینی ویل آتا ایسر ءِ اولیت ایتنہ، الس خاص وڑاٹ سرکاری ملازم آتے اڑزآن و آب اٹ ہنکین نا فراوانی کن دمدستی گام گیج کننگک۔ داخیال آتا درشانی ءِ او چارشنبے نادے آ وزارت نا قلمدان ءِ سنبھالنگ آن پد تینا دفتر اٹی آفیسر آتون اوڑدہی ٹی کرے۔ وزیر ہاؤسنگ اینڈ ورکس نا وزارت آ بننگ نا وخت آ سیکرٹری ڈاکٹر عمران زیب و ایلو بڑزکو آفیسر آک اودے بخیر کریر و اودے منصب ءِ سنبھالنگ آ مبارکبادی تسر۔ داوخت آ سیکرٹری ہاؤسنگ و وزارت نا ایلو ذیلی ادارہ غاتا سروک آک اودے حوال ہم تسر۔ مولانا عبدالواسع کمامدارآتے پارت کرے کہ سرکاری ملازم آتا ہنکین و پلاٹ آتا بابت ویل آتے اولیتی بنداو تیا ایسر کننگے و الس کن ہم ہنکینی ڈٹ آتے اولیت تننگے۔
