اسلام آباد۔18اپریل (اے پی پی): مزن وزیر شہباز شریف ءَ دو شمبے ءَ میٹرو بس سروس ءِ بنگیج ءَ چہ پد پشاور موڑ ءَ چہ ائیر پورٹ ءَ تاں میٹرو بس ءَ سفر کت۔ اے موہ ءِ سر ءَ ترک سفیر احسا ن مصطفیٰ، چین ءِ ناظم الامور ءَ ابید مسلم لیگ (ن) ءِ سروک ڈاکٹر طارق فضل چوہدری، شکیل اعوان، ملک ابرار احمد، انجم عقیل خان، مفتاح اسماعیل، مریم اورنگزیب، راجی اسمبلی ءِ باسک محسن داوڑ ءُ سی ڈی اے، این ایچ اے ءُ ایندگر سیادی داروکیں محکمہ آنی اپسرگ ھم آئی ءِ ھمبراہ اتنت۔ مزن وزیر ءَ جتا جتائیں میٹرو سٹیشنز ءُ روٹ ءِ چار ءُ تپاسی گپت ءُ مسافر آناں جوانیں آسراتی ءِ پجاری ءِ واستہ سیادی داروکیں اپرگ آناں پنت ءُ شون جاڑی کت۔
