اسلام آباد۔ 18 اپریل (اے پی پی) وزیراعظم محمد شہباز شریف تون مسکوہی وزیراعلیٰ گلگت بلتستان حافظ حفیظ الرحمان اوڑدہی کرے و اودے وزارت عظمیٰ نا منصبءِ سنبھالنگ آ مبارکبادی پیش کرے۔ وزیراعظم آفس نا میڈیا ونگ انا کنڈآن جاری بیان نا رداٹ حافظ حفیظ الرحمان وزیراعظم ءِ منصب ءِ سنبھالنگ آ مبارکبادی پیش کرے، اووزیراعظم ءِ پارے کہ چلاس اٹی پی ایم نا کنڈآن جہانی آب انا آسراتی تیان شپ ہسپتال نا منظوری ہندی مخلوق کن نعمت اسے آن کم اف۔ اوپارے کہ ٹریفک نا مچ آ سال روانی کن بابو سرٹنل نا منظوری آن نئے بیرہ سیل و سوات ءِ مون آ دننگک بلکن ہندی آبادی نا ہن و بر و زرگزرانی سرجزآک مچ آ سال بے سلنگ آن برجاسلرہ۔ حافظ حفیظ الرحمان دیامربھاشا ڈیم نا تفنگ ءِ 2029 نا جاگہ غا 2026 اٹی پورو کننگ نا پارت آتیا وزیراعظم محمد شہباز شریف ءِ خراج تحسین پیش کرے۔ وزیراعظم پارے کہ ننا حکومت نا اولیت الس نا خذمت ءِ ، چار سال انا تہار دور اٹی السی آسودہی ڈٹ آتے گوجالنگا، انشاء اللہ ملک و قوم انا خذمت نا سفر داسہ ترندی اٹ برجاسلک۔
