اسلام آباد۔ 18 اپریل (اے پی پی) وزیراعظم محمد شہباز شریف پشاور موڑ آن ایئرپورٹ میٹروبس ڈٹ انا بناءِ کرے۔ داوخت آ دوشنبے نادے آ داڑے اسہ سادہ و پروقار دود اس اڈتننگا۔ وزیراعظم شہباز شریف تختی نا نقاب کشائی ءِ کرسا ڈٹ انا بناءِ کرے۔ داوخت آ مسلم لیگ ن و اتحادی جماعت آتا راہشونک ہم ساڑی ئسر۔ 26.5 کلومیٹر دا میٹروبس ڈٹ آن جاڑ انگا شار تیان بیدس ایلو شار تیان بروک آ ہزار آ شاریک ہم فائدہ ہرفرہ۔ دود اٹی ترکی نا سفیر آن بیدس چینی سفارت خانہ نا ڈپٹی ہیڈ آف مشن ہم ساڑی ئسک۔ وزیراعظم محمد شہباز شریف وزارت عظمیٰ ءِ سنبھالنگ تون میٹروبس ڈٹ ءِ زوت پورو کننگ نا پارت کریسس۔
