اسلام آباد۔ 18 اپریل (اے پی پی) پاکستان تحریک انصاف نا راہشون شاہ محمود قریشی پارینے کہ آرٹیکل 63 اے انا بابت عدالت عظمیٰ آن راہشونی خواہسونن، آرٹیکل 63 اے انا تشریح نا بابت کیس انا فیصلہ بھاز اہم ءِ۔ داخیال آتا درشانی ءِ او دوشنبے نادے آ داڑے سپریم کورٹ نا پیشن صحافی تتون گپ وتران اٹی کرے۔ شاہ محمود قریشی پارے کہ بھار ت نا غیر کانودی کوزہ ٹی جموں و کشمیر اٹی عدالت آن ایڑتر خون مننگ ءِ ، غیرکانودی چھاپہ غاتا کمک اٹ ورناتے ہرفنگ انگ ءِ، حریت راہشون ایماندار سید علی گیلانی نا است خواہی ئسک کہ اودے پاکستان نا بیرک اٹ جہہ جاگہ کننگے و دا باندات آ دزگیری کننگا۔ اوپارے کہ سلامتی کونسل اٹی مسہ وار کشمیر نا ویل آ شرہ مسنے ، ہراتم وزیر خارجہ ئسٹ تو سلامتی کونسل نا چیئرمین ءِ کشمیر نا باندات آ چٹھی نوشتہ کریٹ۔ شاہ محمود قریشی پارے کہ پاکستان اوغانستان تون گچین تعلقداری تا خواہندا رءِ، برادرانہ تعلقداری تے مون آ دننگ خوانہ۔
