انقرہ۔ 18 اپریل (اے پی پی) ترکی نا صدر رجب طیب اردوان مسجد اقصیٰ ٹی نمازی تیا اسرائیلی جلہو نا مذمت کرینے۔ چینی خبررساں ادارہ نا رداٹ ترک صدر فلسطینی ہم منصب محمود عباس تون فون آ گپ وتران اٹی مسجد اقصیٰ ٹی نمازی تا برخلاف اسرائیلی گام گیج نا مذمت ءِ کرے۔ ترک صدر ٹویٹ کرے کہ او فلسطینی صدر تون گپ وتران اٹی مسجد اقصیٰ ٹی نمازی تا برخلاف اسرائیل نا نیام تمنگ نا ترندی اٹ مذمت ءِ کرینے۔ اوپارے کہ ترکی اسرائیل نا دا اشتعال انگیزی و مسجد اقصیٰ نا تقدس ءِ لاحق خطرہ غاتا برخلاف مدام سلک۔ اونا پاننگ ئس کہ ترکی دا مشکل وخت اٹی تینا فلسطینی ایلو تتون تفوک ءِ۔

متعلقہ مضامینمصنف کی طرف سے مزید