اسلام آباد۔17اپریل (اے پی پی): مزن وزیر محمد شہباز شریف ءَ گوشت کہ دیان میر بھاشا ڈیم ءِ جوڑیشیت ءَ چہ سستائیں توان ءِ پیداوار ءِ گوما کشت ءُ کشار ءِ پڑ ءَ گیشی بیت۔ اے منصوبگ آیوکیں باندات ءَ پاکستان ءِ معیشت ءِ واستہ ارزشتی انت۔ مزن وزیر ءَ اے گپ یک شمبے ءِ روچ ءَ دیان میر بھاشا ڈیم ءِ جوڑیشتی سائیٹ ءِ سر ء۔ بریفنگ ءَ چہ پد گشتانک دیان ءَ کت۔ مزن وزیر ءَ گوشت کہ 4500 میگاواٹ توان ءِ پیداوار ءِ اے منصوبگ ملکی معیشت ءِ واستہ باز ارزشتی ایں منصوبگ انت۔ مزن وزیر ءَ اے گپ ءِ سر ءَ زور پر دات کہ منصوبگ وھد ءُ پاس ءِ رد ءَ 2029 ءَ چہ پیسر سرجم بہ بیت، منی گوشگ انت کہ منصوبگ 2029 ءِ م ءَ 2026-27 ءَ اگاں سرجم بہ بیت گڈا باز وشتر انت۔ اے دگنیا ءَ اچ چیز ناممکن نہ انت، اگاں ما یکوئی ءُ یک مشتی ءَ سیم سر آنی در جنگ ءَ جہد بکن آں گڈا الم ا یش بوت کنت۔ مزن وزیر ءَ گوشت کہ آ باز گل ءُ شات انت کہ پیسریگیں مزن وزیر محمد نواز شریف ءَ 2016 ءَ اے منصوبگ ءِ سر ءَ کار ءِ بنگیج کتگ ءُ مسلم لیگ ن ءِ حکومت ءَ زمین ءِ گرگ ءِ واستہ فنڈز ھم پجاری کتگ۔ مزن وزیر ءَ گوشت کہ اے یک ٹوھیں کار ات ءُ منصوبگ ءِ زوتاں زوت سرجم بوھگ ءِ واستہ بنجاھی حکومت سرجمیں کمک پجاری کنت۔
