اسلام آباد۔17اپریل (اے پی پی):پاکستان ءَ اوگانستان ءِ حکومت ءَ گوں دوئیں براتیں ملک آنی نیام ءَ ایمنی ءُ دیمروئی ءِ واستہ پاک اوگان سیم سرئی دمگ آنی رکھینگ ءُ پاکستان ءَ ناشرکاری ءِ چست ءُ ایر آنی گوما دست مانجنیں مردم آنی ھلا پ ءَ ترندیں کاروائی ءِ دزبندی کتگ۔ دری کارانی کارگس ءِ جارچین ءَ پاک اوگان سیمسر ءِ سرءَ بوتگیں انوگیں وئیل ءِ ہوالگءَ میڈیا ءِ جستانی پسو ءَ یک شمبےءِ روچءَ جاری بوتگیں بیانءِ تہا گشگ کہ پاکستان یک رندے پدا ناشرکاری ءِ سُرء ُ ُپُرآنی ھاترءَ اوگان ءِ سرڈگار ءَ را کارمرز کنگءَ ایر جنت، اے پاک اوگان سیمسر امن ء ُ ایمنی ء ُ محکمی ءَ را دارگ ءِ ھاترءَ پہ مئےکوشستانی ھاترءَ نقصان اِنت۔ جارچین ءَ حال داتگ کہ بدبھتی ءَ چہ سیمسری دمگاں بندش جتگیں ناشر گل ٹی ٹی پی ءِ مردماں مئے سیمسری حظاظتی چوکی آنی سرءَ اُرش کتگ کہ آئی ءِ نتیجگ ءَ پاکستانی فوجی شہید بوتگ اَنت۔ 14 اپریل ءَ ضلع شمالی وزیرستان ءَ اوگانستان ءَ کار کنوکیں ناشرکارانی یک یک اُرشے ءَ پاک فوج ءِ 7 ورناہ شہید بوتگ اَنت۔ جارچین ءَ ا ے جزم ءِ درشانی کتگ کہ پاکستان اوگانستان ءِ آجوہی، و ت واجہی ء ُ دمگی سلامتی ءِ شرپ ءِ درشانی ءَ کنت ء ُ پاکستان درائیں پڑآں دونیمگی سیادی ءَ را محکم کنگءِ ھاترءَ اوگان حکومت ءِ گوما یک جاہ وتی کارءَ برجاہ داریت۔
